Economy, Energy and Connectivity Committee

Os felly, awn ni ymlaen i eitem 2, sef cylch gwaith y pwyllgor. Mae hwn yn bapur rydych chi wedi ei weld yn barod. Yr awgrym ydy mai i'w nodi mae hwn ar hyn o bryd, oni bai bod yna deimladau cryfion. Os nad oes, ydy pawb yn iawn efo hynny, ei nodi ar hyn o bryd? Os felly, mi wnawn ni wneud hynny.

Wedyn, eitem 3, mae yna nifer o bapurau eto, y rhan fwyaf yno i'w nodi. Yn bennaf, mi gawn ni eu cymryd nhw i gyd efo'i gilydd, ond gwaddol gwaith y pwyllgorau yn y Senedd ddiwethaf, sef y chweched Senedd, ydyn nhw'n bennaf. Ydych chi i gyd yn cytuno i nodi'r rheini, heblaw efallai y down ni at eitem 3.4 ar ei ben ei hun? O ran eitem 3.4 yn y pecyn, mae hwnna i wneud, wrth gwrs, efo'r diwydiant dur ym Mhort Talbot, ac mae yna bryderon wedi'u nodi o'r blaen ynghylch yr oedi posib oherwydd materion yn ymwneud â'r grid cenedlaethol yno, ac mae yna awgrym, oherwydd hynny a phwysigrwydd y project, y dylen ni fod yn gohebu ac yn adlewyrchu'r farn honno, a thynnu hyn at sylw'r Grid Cenedlaethol a'r Llywodraeth. Ond, dwi ddim yn gwybod. Shav, oes gennych chi unrhyw sylwadau?

Yes, as the former general secretary of TUC Cymru and member of Unite the Union and GMB, I just want to declare an interest. Of course, the last committee did hear from steelworkers directly, and they did raise concerns then about the possibility that things could be delayed in terms of the connectivity issue. It's really important that we now push ahead and try and resolve this issue. We know that there were delays up to a year. It looks like it could it be six to eight months now. We need to get to the bottom of this. Ultimately, this is about getting that electric arc furnace up and running, and making sure that workers know what their future looks like.

Diolch yn fawr. Dwi'n siŵr ein bod ni i gyd yn gytûn efo hynny. Pawb yn hapus efo hynny? Sori, Alun.

Jest i nodi, dwi'n gefnogol i hwnna. Dwi'n cynrychioli ardal Port Talbot.

Wrth gwrs, wrth gwrs.

Mae e'n bwysig i'r economi, nid jest ar gyfer yr ardal, ond ar gyfer economi Cymru. Mae'n rhaid i ni wneud yn sicr bod y cysylltiadau i'r grid yna ar gael. Mae'n debyg ei fod e'n rhywbeth efallai y byddwn ni'n dod yn ôl ato yn y pwyllgor yma, beth yw'r goblygiadau ynglŷn â'r grid, ond efallai bod honno'n drafodaeth hwyrach.

Iawn, ocê. Diolch yn fawr. Felly, os ydy pawb yn gytûn, mi wnawn ni ohebu fel sydd wedi'i nodi. Diolch yn fawr i chi. Ac mi wnawn ni nodi gweddill y dogfennau.

Felly, eitem 4, mae hwn yn eithaf clir, sef argymhelliad ein bod ni'n mynd i sesiwn fewnol, sesiwn breifat. I wneud hynny, mae'n rhaid imi ddatgan yn swyddogol ein bod ni am wneud hyn o dan Reol Sefydlog 17.42(vii) a (ix), i benderfynu gwahardd y cyhoedd o weddill y cyfarfod. Ydy pawb yn fodlon efo hynny? Pawb yn gyfforddus? Iawn, os felly, mi awn ni i sesiwn breifat. Diolch yn fawr.