Dylai Llywodraeth Cymru weithio gydag ESTYN i leihau pwysedd a disgwyliadau yn ystod arolygiadau ESTYN ar gyfer darparwyr addysg feithrin nas cynhelir yng Nghymru.
Ar agor i'w llofnodi tan 18 Ebrill 2027.
7 llofnod
- Mwy na 250 o lofnodion: caiff ei hystyried gan y Pwyllgor DeisebauHeb ei gyrraedd
- Mwy na 10,000 o lofnodion: caiff ei hystyried ar gyfer dadl yn y SeneddHeb ei gyrraedd
Mae ymarferwyr y blynyddoedd cynnar ledled Cymru yn gwbl ymroddgar i feithrin ac addysgu plant ifanc. Gall y pwysedd a'r disgwyliadau sy'n ymwneud ag arolygiadau Estyn, fodd bynnag, achosi straen meddyliol a chorfforol sylweddol, gan gynnwys pryder, nosweithiau di-gwsg, blinder a cholli hyder. Rydym yn galw ar Lywodraeth Cymru i weithio gydag ESTYN i sicrhau dull tecach, mwy cefnogol a chymesur sy'n cynnal safonau uchel ac ar yr un pryd yn diogelu lles ymarferwyr ac yn cydnabod realiti addysg y blynyddoedd cynnar.
Rhagor o fanylion
Rydym yn galw ar Lywodraeth Cymru ac ESTYN i ddiwygio arolygiadau ar gyfer darparwyr addysg feithrin nas cynhelir yng Nghymru, a rhoi mwy o ystyriaeth i lesiant staff. Mae angen i arolygiadau roi darlun teg o leoliad, gan gydnabod na ellir dangos lefel ddysgu a datblygiad plant yn deilwng o fewn amser arsylwi byr. Rydym eisiau gweld disgwyliadau clir a chyson, gofynion cymesur o ran tystiolaeth, adborth adeiladol a ffocws ar wella. Gall ofn, a phwysedd o ran canlyniadau arolygiadau beri i ymarferwyr profiadol ac angerddol amau eu galluoedd a'u hyder. Gall hyn effeithio ar eu hiechyd meddwl a’u lles corfforol, ac ar foràl staff a lefelau cadw staff. Nid ydym yn gofyn am safonau is na llai o atebolrwydd. Rydyn ni eisiau dull sy'n diogelu plant ac yn trin y gweithlu â thegwch, tosturi a pharch. Mae'r rhai sy'n gofalu am ein plant ieuengaf yn haeddu teimlo eu bod yn cael eu cefnogi, eu gwerthfawrogi, ac y gallant ffynnu.
Llofnodion fesul etholaeth
Mae gwefan deisebau'r Senedd yn rhestru 7 o'r 7 llofnod o dan etholaeth y Senedd.
| Etholaeth | Llofnodion |
|---|---|
| Sir Fynwy Torfaen | 7 |