Creu llwybr Cymru gyfan rhwng gofal niwroddatblygiadol preifat a gofal y GIG
Ar agor i'w llofnodi tan 10 Ebrill 2027.
190 llofnod
- Mwy na 250 o lofnodion: caiff ei hystyried gan y Pwyllgor DeisebauHeb ei gyrraedd
- Mwy na 10,000 o lofnodion: caiff ei hystyried ar gyfer dadl yn y SeneddHeb ei gyrraedd
Rydym yn galw ar Lywodraeth Cymru i gyflwyno llwybr Cymru gyfan sy'n ei gwneud yn ofynnol i fyrddau iechyd y GIG adolygu’n ffurfiol asesiadau preifat o awtistiaeth ac ADHD yn erbyn safonau clinigol cyhoeddedig. Dylai'r llwybr hefyd ei gwneud yn ofynnol i'r byrddau iechyd esbonio'n ysgrifenedig pryd mae tystiolaeth yn cael ei darparu, ystyried gofal a rennir neu ofal cydgysylltiedig lle bo hynny'n briodol yn glinigol. At hynny, dylai nodi bod rhaid iddynt adolygu gofal a thriniaeth pan na pharheir â gofal yn breifat neu pan fo angen i'r GIG ei hadolygu.
Rhagor o fanylion
Caiff teuluoedd geisio asesiadau preifat o ADHD neu awtistiaeth oherwydd bod amseroedd aros y GIG yn hir. Gall problemau godi wedyn os nad yw gwasanaethau'r GIG yn derbyn neu'n parhau ag asesiad neu driniaeth a gychwynnwyd yn breifat, gan ddal plant rhwng gwasanaethau.
Nid yw'r ddeiseb hon yn gofyn i'r GIG dderbyn pob diagnosis preifat yn awtomatig. Mae'n gofyn am broses glir ledled Cymru fel bod tystiolaeth breifat yn cael ei hadolygu yn erbyn safonau cyhoeddedig, bod teuluoedd yn cael gwybod yn ysgrifenedig y rhesymau am wrthod tystiolaeth, bod gofal a rennir neu ofal cydgysylltiedig yn cael ei ystyried lle bo'n briodol, ac nad yw plant yn cael eu gadael heb driniaeth tra bod pwy sy’n gyfrifol am eu gofal yn aneglur.
Mae'r nod yn syml: dylai penderfyniadau gael eu seilio ar ansawdd clinigol, diogelwch cleifion a budd gorau'r plentyn — nid dim ond ar y cwestiwn a gafodd asesiad ei ariannu'n breifat neu ei gomisiynu gan y GIG.
Llofnodion fesul etholaeth
Mae gwefan deisebau'r Senedd yn rhestru 183 o'r 190 llofnod o dan etholaeth y Senedd.
| Etholaeth | Llofnodion |
|---|---|
| Casnewydd Islwyn | 82 |
| Blaenau Gwent Caerffili Rhymni | 79 |
| Caerdydd Ffynnon Taf | 8 |
| Pontypridd Cynon Merthyr | 4 |
| Sir Fynwy Torfaen | 3 |
| Gŵyr Abertawe | 2 |