Gwneud Camerâu a Wisgir ar y Corff yn Orfodol i Weithwyr Cymdeithasol yng Nghymru

Mae marwolaethau Logan Mwangi yng Nghymru a Sara Sharif yn Lloegr yn ein hatgoffa mewn ffordd ysgytwol pam mae’n rhaid i systemau diogelu greu’r darlun cliriaf a mwyaf cywir posibl o amgylchiadau plentyn.

Gallai camerâu a wisgir ar y corff sicrhau tryloywder hanfodol. Gallent gadw cofnod gwirioneddol o’r hyn mae gweithwyr proffesiynol yn ei weld, gallent nodi anghysondebau mewn adroddiadau dilynol, gallent amddiffyn teuluoedd rhag cofnodi anghywir, a gallent amddiffyn gweithwyr cymdeithasol rhag honiadau ffug.

Ond, yn anad dim, mae hyn yn ymwneud ag amddiffyn plant.

Mae swyddogion heddlu yn defnyddio camerâu a wisgir ar y corff oherwydd bod tystiolaeth, cywirdeb ac atebolrwydd yn bwysig. Pan fydd gweithwyr cymdeithasol yn mynd i gartrefi plant ac yn cynnal asesiadau a all ddylanwadu ar benderfyniadau diogelu a fyddai’n newid bywydau, mae'r egwyddorion hynny yr un mor bwysig.

Rhaid i fesurau diogelu priodol amddiffyn preifatrwydd plant a rheoli'n llym sut mae’r recordiadau’n cael eu storio, eu cyrchu a'u defnyddio. Os yw'n ddigon pwysig i newid bywyd plentyn, mae'n ddigon pwysig i'w gofnodi.