Rhoi terfyn ar weithredoedd cyhoeddus o greulondeb tuag at golomennod a meithrin empathi drwy addysg.

Rydym yn galw ar Lywodraeth Cymru i weithio gyda’r heddlu, awdurdodau lleol ac ysgolion i sicrhau bod gweithredoedd bwriadol o greulondeb tuag at golomennod yn gyhoeddus yn cael eu cymryd o ddifrif ac yn destun ymchwiliad lle gall troseddau fod wedi’u cyflawni o dan ddeddfwriaeth lles anifeiliaid. Rydym hefyd yn gofyn bod mentrau addysgol sy’n meithrin empathi, tosturi a pharch at fywyd gwyllt yn cael eu cefnogi mewn ysgolion a chymunedau. Mae ymchwil wedi dangos bod meithrin empathi tuag at anifeiliaid yn gallu helpu i feithrin ymddygiad cyfrifol ac atal creulondeb. Mae colomennod yn aml yn cael cam drwy gael eu hystyried yn bla, ond maent yn anifeiliaid deallus, cymdeithasol sy’n chwarae rhan mewn ecosystemau trefol. Ni ddylai unrhyw anifail ddioddef yn ddiangen am y rheswm syml ei fod yn gyffredin neu wedi’i gamddeall. Dylai gweithredoedd cyhoeddus o greulondeb tuag at anifeiliaid arwain at ganlyniadau priodol ac addysg er mwyn atal niwed yn y dyfodol.