Cefnogi’r broses o ddatblygu brechlynnau i achub gwiwerod coch rhag feirws brech y gwiwerod
Wedi cau
12,824 llofnod
- Mwy na 250 o lofnodion: caiff ei hystyried gan y Pwyllgor DeisebauWedi'i gyrraedd
- Mwy na 10,000 o lofnodion: caiff ei hystyried ar gyfer dadl yn y SeneddWedi'i gyrraedd
Mae feirws brech y gwiwerod yn angheuol i wiwerod coch. Yn ystod tymor yr hydref 2023, trafododd y Senedd y broses o ddatblygu brechlynnau: https://deisebau.senedd.cymru/deisebau/245357 Er gwaethaf ymrwymiad hanesyddol gan Weinidogion i ymchwilio i ddichonoldeb mesurau i ddiogelu gwiwerod coch, ar ôl dwy flynedd a hanner, nid yw’r Adran Materion Gwledig wedi penderfynu sut i gyflawni prosiect dichonoldeb ar gyfer brechlyn, fel yr addawyd. Mae'n bryd bwrw ymlaen a chefnogi ymchwil arloesol newydd i frechlynnau. Ar un adeg, roedd eliffantod yn wynebu feirws angheuol, nad oedd modd ei wella. Bum mlynedd yn ddiweddarach, roedd gwyddonwyr wedi creu brechlyn: https://www.bbc.co.uk/news/articles/cjd1j02y88do Mae angen mabwysiadu’r un meddylfryd i ddiogelu gwiwerod coch.
Rhagor o fanylion
Yn ddiweddar, pleidleisiodd cynghorwyr yng Nghyngor Sir Ynys Môn yn unfrydol i annog Llywodraeth flaenorol Cymru i gymryd camau gweithredu i achub gwiwerod coch rhag bygythiad y frech: https://www.dailypost.co.uk/news/north-wales-news/urgent-vaccine-needed-protect-angleseys-33501538 Mae’r brys gwleidyddol yn deillio o’r ffaith bod gwiwerod llwyd wedi ailoresgyn yr ynys, sy’n golygu ei bod yn anochel y bydd gwiwerod coch yn marw yn sgil achosion newydd o'r frech: https://www.northwaleschronicle.co.uk/news/25789901.anglesey-conservationists-fear-future-red-squirrels/ Dylai Llywodraeth newydd Cymru weithredu fel catalydd ar gyfer ymdrechion cadwraeth llwyddiannus mewn perthynas â’r wiwer goch. Dylai’r Llywodraeth fod yn bragmatig, a dylai gefnogi gwaith ymchwil arloesol newydd i frechlynnau: https://research.bangor.ac.uk/cy/publications/a-protective-vaccine-against-the-pox-virus-for-red-squirrels/
Llofnodion fesul etholaeth
Mae gwefan deisebau'r Senedd yn rhestru 3,419 o'r 12,824 llofnod o dan etholaeth y Senedd.
| Etholaeth | Llofnodion |
|---|---|
| Bangor Conwy Môn | 1,669 |
| Gwynedd Maldwyn | 418 |
| Clwyd | 379 |
| Fflint Wrecsam | 165 |
| Ceredigion Penfro | 139 |
| Sir Gaerfyrddin | 119 |
| Brycheiniog Tawe Nedd |