Dileu'r statws rhestredig Gradd II o Ysgol Uwchradd Groves yn Wrecsam, er mwyn dechrau gwaith adeiladu newydd.

Caewyd Ysgol Uwchradd Groves yn Wrecsam yn 2003, ac mae bellach yn adeilad rhestredig Gradd II, oherwydd ei 'dreftadaeth'. Mae'r ysgol wedi'i gadael yn wag, ac mae'n gadael ôl hyll ar ein dinas. Cafwyd dyfarniad gan yr Uchel Lys yn 2016 a ddileodd y statws rhestredig, fodd bynnag, adferodd Llywodraeth Cymru ei statws rhestr Gradd II o fewn mis. Bu amryw geisiadau ac ymgyrchoedd i ailddefnyddio'r safle at ddibenion fel ysbyty cymunedol (Deiseb Groves), oriel gelf, neu fwy. Mae'r safle wedi'i leoli yng nghanol Wrecsam, gerllaw ardal siopa fawr, canolfan hamdden, safle ar gyfer Coleg Cambria, a lleoedd sy'n cael eu defnyddio at ddibenion eraill fel gofalu am yr henoed, y gyfraith, ac ati.