Gosod Cofeb i Catrin ferch Owain Glyndŵr yng Nghastell Harlech neu gerllaw

Mae cofeb fodern i Catrin yn Llundain, ond nid oes dim i’w choffáu yn Harlech, sef y man sydd fwyaf cysylltiedig â'i bywyd. Mae trigolion ac ymwelwyr yn parhau i fod yn anymwybodol o bwy oedd hi a'i chysylltiad â'r castell.

Nid cadfridog nac arweinydd gwleidyddol oedd Catrin, ond merch, gwraig, mam, a sifiliad a ddioddefodd golled bersonol ddwys o ganlyniad i ryfel. Mae ei stori yn cyfleu rhywbeth sydd yn aml yn mynd yn angof, sef profiadau menywod a phlant o wrthdaro yn yr oesoedd canol, ac mae’n cynnig persbectif dynol iawn ar hanes Castell Harlech. Credwn y byddai cofeb neu nodwedd ddeongliadol seml, wedi'i chynllunio â sensitifrwydd, yn gwneud y canlynol: Anrhydeddu bywyd a dioddefaint Catrin Ehangu a chyfoethogi’r dehongliad o Gastell Harlech Gwella ymwybyddiaeth y cyhoedd o brofiadau menywod yn hanes Cymru Cryfhau dealltwriaeth leol a chenedlaethol o'r stori bwysig hon Gofynnwn, gyda pharch, i Cadw archwilio, mewn egwyddor, ddichonoldeb cofeb o'r fath a chynghori ar y camau nesaf priodol. Drwy lofnodi'r ddeiseb hon, rydych chi'n cefnogi cydnabod Catrin ferch Owain Glyndŵr fel ffigwr arwyddocaol yn nhreftadaeth Cymru ac yn cadarnhau bod ei stori'n haeddu cael ei choffáu yn ei phriod le.